Црвено-црната генерација родени “2006“ година без поголеми проблеми обезбедија пласман во полуфиналето на турнирот кој се одржува во спортската сала на училиштето “Наум Наумовски- Борче“ во населбата Маџари. И во вториот натпревар од групата избраниците на Кралевски забележаа убедлив триумф, овој пат против екипата на Нови Лисици. Конечниот резултат гласеше 6:1. Најдобриот стрелец на оваа генерација Давид Голубов постигна хет-трик. По еднаш во листата на стрелци се запишаа Милош Спасовски, Драган Јанкоски и Михаил Николов. Во првиот меч од групата црвено-црните високо ја поразија екипата на Фортуна со резултат 9:1 и со вкупна гол разлика од 15:2 се пласираше во четирите најдобри екипи. Полуфиналето и големото финале во оваа генерација ќе се одигра утре.
Голем хендикеп на овој турнир за оваа генерација е неиграњето на првиот чувар на мрежата Андреј Данстак, па Кралевски ќе биде принуден да настапува со голман кој е генерација помал од неговата. Ведран Колоски-Стрезовски бранеше во групната фаза, додека во полуфиналниот натпревар изборот ќе отпадне на Ведран или Лука Јаневски, двајцата родени “2007“ година. Исто така и Дарко Сековски и Давор Лефковски, иако се родени “2006“ година на овој турнир ќе играат за екипата предводена од Зоран Петковски, генерација родени “2005“ година, кои своите настапи на турнирот ги започнуваат денеска.