Александар Ѓорѓиески: До крајот на оваа полусезона очекувам да ја задржиме лидерската позиција на табелата и да се пласираме во следната фаза од купот

Пионерите на фудбалскиот клуб Вардар стигнаа до седмата победа во првенството, откако го добија дербито против екипата на Металург. Овој меч се одигра на академијата и заврши во корист на црвено-црните со резултат 2:1. Со тоа продолжи одличната серија на оваа генерација, која се наоѓа на првото место на табелета. Пионерите на ФК Вардар по осум одиграни кола имаат седум победи и само еден нерешен резулат. Во триумфот против тимот од железарница погодија Александар Ѓорѓиески и Милан Благојевиќ. Централниот дефанзивец на Вардар, Ѓорѓиески за нашиот сајт на краткко ги сподели впечатоците од новата победа.

-Натпреварот против Металург помина во најдобро светло. Знаевме дека овај натпревар ќе биде тежок , дека противникот ќе има голема желба за победа, но ние во мечот влеговме максимално сконцентрирано и го добивме заслужено овој меч . Презадоволен сум од мојата игра, а исто така и од играта на тимот. До крајот на ова полусезона очекувам да ја задржиме лидерската позиција на табелата и да се пласираме во следната фаза од купот, изјави Александар Ѓеоргиески за нашиот сајт.

Звонко Ивановски