Глигоров: Сакам да се заблагодарам на сите кои ни даваа поддршка во Струмица и кога губевме и кога направивме пресврт

Вардар успеа да го надигра Малме и да се пласира во следната рунда од лигата на шампионите. Иако по првото полувреме имавме негатива, во вториот дел успеавме со три погодока во мрежата на Малме да го совладаме противникот. Стартер на овој натпревар беше Никола Глигоров кој ги сподели впечатоците од триумфот против Малме и пласманот во следното квалификациско коло.

-Секако дека верувавме во пресврт, без верба во себе немаше ова да го направиме. И во Шведска бевме одлични, а тука ја завршивме работата. Бевме одлични и Господ ни помогна, немам зборови за оваа победа. Сигурно е хендикеп што не игравме во Скопје, но сакам да им се заблагодарам на сите кои ни даваа поддршка и во Струмица и кога губевме и кога направивме пресврт. Ова е победа на мојот живот. Откако го добивме противникот, бевме на подготовки во Австрија, имавме само една цел, да го елиминираме Малме. Затоа, ова е победа на мојот живот, изјави Глигоров.

Звонко Ивановски