Вардаровата генерација 2006 година се пласираше во полуфиналето!

Одличен ден за вардаровата генерација 2006. Денеска момчињата забележаа две победи со кои обезбедија пласман во полуфиналето на турнирот во Приморско.

Денеска напладне како што ве информиравме и на нашиот сајт, го совладавме тимот на Дит Софија со 2:1. Стрелец на двата погодоци на овој дуел беше Голубов Давид. Попладнево момчињата на Арсовски забележаа нова победа, овој пат против  Ропотамо Приморско со 3:1. Головите за Вардар ги постигнаа Галевски, Голубов и Николовски.

Со овие две победи и дефинитивно е обезбеден пласман во 1/2 финалето. Утре ќе одиграме уште еден натпревар во групната фаза, овој пат против тимот на Аполон Крагујевац.