Vardar Fans
Црвено – црните повторено победнички минаа низ Кратово. Нашите момци во 9-то коло ја остварија својата 7ма победа и ја продолжија низата на непобедливост од почетокот на ПМФЛ. Крајниот резултат на овој дуел беше 3:0 , а на полувреме 0:1 за скопјани.
Првиот дел почна со игра претежно на средината на теренот во Кратово. За црвено – црните старуваа следните единаесетмина : Пачовски,Хамбарџумјан, Мијушковиќ, Грнчаров, Хамбарџумјан, Дашјан, Николов, Љамчевски, Фелпе,Блажевски, Ивановски. Права шанса ја имаа домаќините во 10-сетата минута од слободен удар на дистанца од околу 25 метра од голот, но ударот заврши само во добропоставениот “жив ѕид“ пред Пачовски. Вардарци во следната акција имаа шанса за отварање на резултатот преку бразилецот Фелипе тој шутира од 17-18 метри, но за малку над десниот горен агол од голот на ФК Силекс. Шансите се зачестија во 17 минута по корнер изведен од левиот агол на теренот со глава највисок Мијушковиќ сепак топката минува крај голот на црвено- сините . Во 20-сетата минута Ивановски ја прима топката свртен со грб кон противничкиот гол брзо се врти и шутира, но голманот на домаќините брани со нозе. Домаќините се обидуваат да се заканат кон голот на Пачовски но ударите завршуваат надвор од рамките на голот. Во 30сетата минута конечно домашниот отпор е скршен и поведуваме со 0:1 стрелец за црвено – црните црнагорскиот интернационалец во нашите редови Немања Мијушковиќ. По голот вардарци повторно ја држат топката во половината на кратовчани обидувајќи се да стигнат до втор погодок. На двете страни има обиди за погодок ама ударите завршуваат надвор од рамките. Пред крајот на полувремето повторно слободен удар за домаќините Мицков го изведе од некаде 25 метри и повторно “живиот ѕид “ непромослива пречка за домаќините топката заминува во корнер. Домаќините изведуваат два последователни корнери и се обидуваат да однесат реми на полувреме, но не успеваат на полувреме црвено – црните заминуват со минимално водство од 0:1.
По стандардната пауза судијата Мустафи Фатон од Тетово означи почеток на вториот дел на дуелот во Кратово. Вториот дел почна со мирна игра помеѓу двата 16-сетника на теренот. Филип Ивановски се обидува со удар со глава ама топката завршува во гол-аут. Седлоски повлекува прв потег на дуелот од клупата игра излегува Благоја Љамчевски кој претходно доби и жолт картон, а во игра влегува Ацо Стојков. Вардарци ја држат долго топката во својте нозе долго проигруваат помеѓу себе обидувајќи се да ја искористат секоја евентуална “пукнатитна“ во одбраната на Силекс. Домаќините се обидуваат да сменат нешто во својата игра па од игра го повлекуваат Пановски, а на негово место влегува Ѓорѓиев. Домаќините сакаат да изедначат, но нивните напади се јалови и се базираат на обиди од прекини кој секогаш одбраната на вардарци лесно ги расчистува. Проработува ерменската врска од денсо по прекин крај аут-линијата прекрасно центрира Дашијан топката со глава одлично ја сместува во голот другиот ерменец Хамбарџумјан , голот за 0:2 е постигнат во 66 минута. Во продолжение жолт картон за Попов кој е престого досуден бидејќи Горан ја имаше топката во својте нозе и контактот беше минимален. Седлоски ја врши втората измена во 80 минута на место на Дејан Блажевски во игра влегува младиот Јасир Асани. Измена и кај домаќините влегува Филиповски на место на Неделковиќ. Незначитална опасност за Пачовски беше ударот на еден до домашните фудбалери кој блокиран од одбраната беше лесен плен за искусниот репрезенативен голман на нашиот гол. Вардарци успеваат да го зголемат дополнително водството и тоа ново влезениот Асани ја прими на 17-18 метра убаво ја исфрли домашната одбрана од рамнотежа и прекрасно стрелаше во горниот десен агол за 3:0 . Некогашниот играч на кратовци во финишот добива шанса Темелков влегува на местот на бразилецот Филипе. Вардарци искусно го доведуваат овој дуел до крај, победа и нови три бода за нас.
