Кадетите поразени на гостувањето кај Кул во првото пролетно коло

Posted by: М.Т - Лико 04/03/2023 in У-18, ФК Вардар

Кадетите на Вардар во првото коло во 2023 година гостуваа кај екипата на ФК Кул во Скопје. На овој натпревар бевме поразени со резултат 4-2️.

Вардар дуелот на „Цементарница“ го започна со овој состав: Данстак Андреј , Рамани Хадис , Митревски Матеј , Петровски Андреј , Јакимовски Лука , Лефковски Давор, Гаштаров Матеј , Стојилевски Марко , Стојановски Димитар, Галевски Кристијан и Радевски Филип.

На почетокот на оваа средба по првичното опипување на силите ние имавме први шанса за да го отвориме овој кадетски дуел со погодок. Црвено-црните кадети поведоа со 0-1 по погодокот на Стојановски Димитар. Тимот на Кул се закани, но на нашиот гол Данстак Андреј имаше неколку успшени одбрани. Се играше борбен дуел по дожливо време во Кисела Вода, нашиот ривал успеа да дојде до изедначување 1-1 на 5.минути до крајот на првит период, резултат кој беше на сила и за време на паузата помеѓу двата дела на оваа кадетска суперлигашка средба.

Домаќинот на почетокот на вториот дел најпрвин поведе со 2-1, потоа и со 3-1. Ние преку Галевски Кристијан успеавме да ја преполовиме негативата и дојдовме на гол заостаток кога намаливме на 3-2. Имавме шанса за изедначување од слободен удар шут упати Гаштаров неговата топка мина крај голот. Треба да се напоменат и неколкуте одбрани на нашиот голман Данстак во овој период кој денес имаше доста работа. Се отворивме во финишот со цел да изедначиме, тоа го искористи ривалот и во последната минута погоди за конечните 4-2.