Во саботата се одигра осмото пролетно коло во детската фудбалска лига. Настапија сите генерации на Вардар, кои забележаа единаесет победи и два порази.
Вардаровата генерација “2005“ имаше половичен успех во ова коло, забележувајќи една победа и пораз. Вардар (1) го победи тимот на Шкупи (6:3), додека Вардар (2) го доживеа третиот пораз оваа сезона, откако Металург беше подобар и триумфираше со резултат 1:2. Успешно коло имаше генерацијата родени “2006“ година кои остварија две победи. Вардар (1) го доби дуелот со Работнички (2) со резултат 9:2, додека пак Вардар (2) исто така победи во дуел со тимот на Фљамуртари со резултат 5:2. Генерацијата “2007“ одигра три натпревари и имаше исто толку победи. Вардар (1) излезе како подобар во дуелот со Сарај (4:2), додека Вардар (2) го победи тимот на Спорт Ефе со резултат 6:1. Вардар (3) продолжува со победите во повозрасната генерација “2006“, во ова коло настрада екипата на Драчево, која ја победивме со резултат 4:2.
Генерацијата “2008“ оствари исто така две победи во ова коло. Вардар (2) го доби дуелот со екипата на Металург со резултат 7:1, додека Вардар (1) беше подобар од тимот на Албарса, со резултат 8:0. Генерацијата “2009“ со една победа и пораз го заврши ова коло. Вардар (1) беше подобар од тимот на Шкупи со резултат 6:4, додека Вардар (2) беше поразен од Кул (2), со резултат 1:3. Две победи за најмладата генерација родени “2010“ година. Вардар (1) со пресврт го победи тимот на Скупи (5:1), додека Вардар (2) го совлада Шкупи (6:1).
Извештаи од сите споменати мечеви на вардаровите генерации, можевте да прочитате на нашиот веб сајт.