Шампионот на Македонија, ФК Вардар веќе два месеци живее во неизвесност откако Сергеј Самсоненко најави повлекување од таборот на ,,црвено – црните”.
По два месеци неизвесност и најава за влегување на новите луѓе во ФК Вардар, се чини дека конечно доаѓаме до крајот, а тоа е разрешница на оваа „шпанската сапуница” околу Вардар.
Поранешниот бугарски репрезентативец Благој Георгиев утре ќе дојде во Скопје. Потврдено ни е и од страна на фудбалерите дека во четврток е најавен состанок со Георгиев на кој ќе бидат познати и откриени многу нешта околу иднината на нашиот ФК Вардар.
Се надеваме дека конечно и оваа работа ќе се реши. Дека во ФК Вардар ќе влезат новите сопственици, а потоа ќе се мисли на новата сезона која започнува за нешто повеќе од еден месец. Засега, освен младите играчи, сите останати немаат најавено заминување од клубот.