Tuesday ,16 July 2024
Последни:
Home > Комити > Комити станаа целосни газди на Вардар, се чекаат 10 милиони денари од град Скопје!
Комити станаа целосни газди на Вардар, се чекаат 10 милиони денари од град Скопје!

Комити станаа целосни газди на Вардар, се чекаат 10 милиони денари од град Скопје!

Вардар стана сопственост на навивачи, кои не планираат да го држат вака, туку општините и градот Скопје да станат акционери, заедно со заинтересирани фирми.

„Завршени се сите процедури и Комити се целосни сопственици на ФК Вардар. Тоа не значи дека ние како Комити имаме амбиции да го водиме клубот или да бидеме газди. Ние бараме решение на ФК Вардар. Институционално да се реши проблемот на Вардар. Тоа да не биде времено решение, туку трајно. Бараме Вардар да биде ставен во статутот на Град Скопје и на општините. Секако ова е апел и до големите компании кои ќе сакаат да инвестираат во клубот кои би биле дел од еден проширен управен одбор кој би бил шаренолик и кој би функционирал нормално”, рече еден од првите раководители на клубот Милорад Миленковски.

„Распределбата на ветените средства од Град Скопје Вардар ќе ги добие, но мора да помине уште една седница на советот. Се работи за сума од десетина милиони денари, кои што ќе му помогнат на Вардар да профункционира нормално до декември“, додаде Миленковски.

„Од 28 јуни немаме одговор од ПУИГ, исто и од УЈП, документите лично се доставени, исто и секретаријат на Влада, до премиерот… Никој не ни одговара. Не сакаме никого да прозиваме, сакаме само да ги мотовираме да се одважат и да почне институционално да се решава проблемот”, додаде Миленковски.