Утрово на теренот на Академијата контролен натпревар одигра генерацијата 2007 на ФК Вардар која за противник го имаше тимот на ФК Талент од Битола. Нашите млади надежи одиграа одлично прво полувреме во кое се стеткнаа со предност од 1:0, а имаа и доминација на теренот и уште неколку шанси. Поради малиот број на измени во вториот дел кај Вардар, противникот од Битола во второто полувреме успеа да постигне два гола и да го сврти резултатот во своја корист. Конечниот резултат гласеше 1:2. Мора да се напомене, дека вардарците од оваа генерација одиграа многу подобар дуел за разлика од минатиот против Јанг Тим, денес очигледна беше желбата за надигрување и докажувањето кај играчите.
Погледнете фотографии од овој дуел, додека галерија ќе биде достапна во наредниве денови.