Македонија У16 ќе одигра контролни дуели со БИХ, четворица вардарци во составот за овие мечеви

Утрово македонската фудбалска репрезентација до 16 години замина за Босна и Херцеговина, каде во претстојниве денови ќе одигра два контролни натпревари со соодветната селекција на БИХ.

Селекторот на Македонија, Драган Канатларовски за овие мечеви повика и четворица играчи од редовите на Вардар. Се работи за Стефан Тасев, Никола Павлески, Бесар Гуџуфи и Георг Стојановски. Поради болест повикот го откажа Игор Јаневски, додека од истата причина својот деби настап во националниот дрес го откажа и Стефан Стојановски кој беше дополнително повикан во репрезентацијата.