Копенхаген се изнамачи против Жилина, загуби но се пласираше во следната рунда, каде ги чека Вардар

Екипата на Копенхаген ќе биде противникот на Вардар, во третото квалификациско коло од лигата на шампионите. Вечерва на стадионот “Паркен„ се одигра реванш мечот, помеѓу екипите на Копенхаген и Жилина, во кој славеа гостите со резултат 1:2. Сепак поради триумфот на Данците од првиот натпревар одигран во Словачка (1:3), тимот на Копенхаген е тој што обезбеди пласман во следната рунда, каде го чека Вардар.

По првото полувреме Жилина имаше водство од 0:1, со голот на Отубанџо. На стартот на вториот дел, домашниот тим го израмни резултатот на 1:1, со погодокот на Вербиќ од пенал, додека гостинот од Словачка повторно успеа да ја врати предноста и во 58 минута со голот на Каса, да поведе со 1:2. До крајот на натпреварот, резултатот остана истиот, по што со вкупен резулат од 4:3, екипата на Копенхаген продолжува понатаму во најголемото натпреварување.