Од 23-25-ти декември во населбата Маџари и спортската сала Методија Андонов Ченто се одигра предновогодишен младински фудбалски турнир “Спортуваме среќни сме, на кој се натпреваруваа генерации родени “2006“ и “2007“ година, односно меѓу фудбалските екипи кои се членови на ОФС Гази Баба. Околу 290 деца, односно 24 екипи три дена другаруваа и се натпреваруваа.
Вардаровите екипи освоија едно второ и трето место. По одигрување на финалните натпревари беа доделувани признанија за најдобри поединци, како и пехарите за најдобрите три пласирани екипи. Наградите ги доделуваа градоначалникот на опшина Гази Баба, Тони Трајковски а како посен гостин беше тренерот на Вардаровата генерација родени 2005 година, Игор Кралевски. Тој ја имаше можноста да ги доделува наградите за најдобрите поединци на завршниот турнир во организација на општина Гази Баба.
Тој исто така ги доделуваше наградите за најдобрите играчи во двете возрасни генерации. Да потсетиме дека четири играчи на ФК Вардар добија поединечни награди. Во генерација родени “2006“ за најдобар голман беше прогласен Андреј Данстак, додека признанието најперспективен играч му припадна на Дарко Сековски. Награди имавме и во генерација “2007“. Повторно го имаме најдобриот голман во името на Лука Јаневски, додека најдобар стрелец е Александар Грашески од редовите на Вардар.
Настанот медиумски беше подржан од Спортско радио 90.3mhz и ТВ Сител.