Vardar Fans
Денеска на фудбалските терени на ФФМ се одиграа четвртфиналните мечеви во Детската лига. Вардар генерација 2008 лесно и убедливо го совлада тимот на Брегалница С. Играчите на Павел Неделковски од 15 часот ќе одиграат уште еден меч, овој пат во рамките на полуфиналето.
Уште од првата минута тимот на Вардар започна напаѓачки, шансите пред голот на противникот се редеа, а нашите играчи погодуваа. Прв со два гола кој се запиша во листата на овој меч беше Арти Азизи. Потоа третиот гол го постигна Ненад Дамјановски за веќе сигурна предност. До крајот на првиот дел во листата на стрелците се запишаа уште и Коста Бошковски, Матеј Киш, Стефан Бранковски, Павел Андов и Пешов Бојан. На полувреме се замина со голема предност од 8:0.
Во вториот дел во игра влегоа сите играчи од Вардар. Прв кој се запиша во листата во вториот дел беше Ненад Дамјановски, потоа гол постигна и Матео Ќесиќ за огругла предност од 10:0. Следните два погодоци беа дело повторно на двоецот Азизи – Дамјановски за 12:0. До крајот на мечот во листата се запишаа уште и Maтеј Киш со уште два гола и на крајот Стефан Марковски за конечни 15:0. Вреди да се напомене дека на овој дуел и две добри одбрани имаше нашиот голман Лука Грчески.
Честитки до тимот за пласманот во 1/2 финалето.
