(Фотогалерија) Во летниот камп на ФК Вардар во Охрид се работи под полна пареа

Во Охрид веќе е започната со работа првата група од летниот камп „ФК Вардар“, од истата дел се  генерацијата 2003 предводена од тренерот Томче Трајановски и генерацијата 2004 година за која ќе биде задолжен фудбалскиот педагог, искусниот  Ане Андовски. Околу 75 деца се сместени во хотелот „Дипломат“, и имаат одлични услови за одржување на овој камп.

Според планот на кампот за  совладуваање на фудбалските вештини предвидени се два тренинзи  на ден. Покрај двата тренера на кампот се присутни и се дел од истиот и  координаторите на младинските категории на ФК Вардар Павел Неделковски и Саше Милошевски. Како и во младинската школа така и на кампот со оваа возраст кај  голманите довербата му е дадена на  Слободан Мутибариќ. Првата смена односно генерациите 2003 и 2004 година остануваат во Охрид во 12 август, а потоа следува летен камп и за генерациите 2005 и 2006 година кој ќе трае од 16 до 21 август исто така во Охрид за кое и натаму трае пријавувањето за учество. Во продолжение ви носиме галерија од кампот, од тренинзите.