Дарко Мицевски успешно опериран, заврши сезоната за вардаровиот капитен

Дарко Мицевски беше успешно опериран, после повредата со која се здоби на натпреварот со екипата на Охрид,

Мицевски заработи скршеница на скочниот зглоб, по што мораше да биде опериран, а за капитенот на Вардар сезоната е завршена. Ова е голем хендикеп за тренерот Грнчаров и тимот во продолжение од сезоната, со оглед дека Мицевски беше еден од клучните алки во играта на црвено-црните.

Дарко, се заблагодарува на поддршката и им порачува на сите навивачи на Вардар да останат сплотени и во што поголем број да бидат покрај својот тим, сега кога се најпотребни. На крајот сите заедно ќе се радуваме. Напред Вардар!