Македонија У19 загуби од Словенија, Јовчев и Давков одиграа цел натпревар

Со пораз, македонската фудбалска репрезентација до 19 години го стартуваше меѓународниот турнир во Словенија. Иако имавме предност од два гола, сепак на крајот Македонија загуби со резултат 4:3 од репрезентацијата на Словенија.

Македонија водеше со 2:0 и со 3:1, но дозволи во последните 25 минути од натпреварот да прими три гола и да го загуби натпреварот.

Цел натпревар за Македонија одиграа вардарците Гоце Јовчев и Грегори Давков, додека Филип Ѓорѓиевски не влезе во игра. На турнирот, Македонија ќе одигра уште натпревари против С.Арабија и Словачка.