Во текот на денешниот ден започнаа елиминациските натпревари на турнирот во Несебар.
Генерацијата 2007 на Вардар во четвртфиналето ја совлада екипата на ФА Пловдив со резултат 2:0. Стрелци на головите беа Александар Грашески и Михаил Јорданоски. На тој начин нашите млади надежи се изборија за пласман во полуфиналето на турнирот во Несебар против екипата на Зимбру, кое на програмата е утре наутро, а доколку победиме ќе играме и во финалето кое ќе се одигра во вечерен термин.
Генерацијата 2006 не успеа да обезбеди финале, откако во полуфиналето доживеа минимален пораз (1:0) од екипата на Ботев Пловдив. На тој начин, црвено-црните утре во борбата за третото место ќе се сретнат со екипата на Атлет Киев, додека во големото финале ќе играат екипите на Дусхс од Украина и Ботев Пловдив од Бугарија.