Vardar Fans
Денеска на терените на Фудбалската федерација на Македонија, ФК Вардар од генерацијата 2009 одигра два дуели во рамките на плеј-офот кои ги доби убедливо и се пласираше во наредната фаза.
ФК Вардар (1) го совлада ФК Дрим Тим со 5:0 и обезбеди минување во идното коло од плеј-офот. Започнавме офанзивно на самиот почеток, кое донесе погодок за црвено-црните. Стрелаше Васко Папаливски кој отвори за 1-0 на оваа плеј-оф средба. Две прилики за удвојување на водството имаше Вито Павлов, за жал ударите минаа крај голот. Папаливски Васко повторно беше таличен за ривалот и удвои со погодок за 2-0. Противникот беше претежно ориентиран на дефанзива, повремено се закануваше.
Сепак и при таквите обиди на висина на задачата беше Баснарков Марко. На одмор заминавме со два гола предност. Вториот дел започна со одбрана на Баснарков и одлична прилика на Колевски Даниел. Јаков Стојковски отвори во вториот дел со погодок, кој стрелаше за 3-0. Водството од полувремето го удвоивме преку Даријан Михајловски кој погоди за високи 4-0. Противникот имаше голема шанса од пенал, сепак неуспеаа да погодат во рамките на голот на црвено-црните. Даниел Колевски прими една топка, одлично се ориентираше во просторот и погоди за “петарда“. До крајот немаше промени на резултатот.
И ФК Вардар (2) дојде до висока победа и пласман во наредната рунда. Дуелот против Спорт Ефе денеска вардарци го добија со високи 3:0. Дуелот започна со одбрана на Грчевски. По неколку минути Вардар дојде до предност. Од пенал успешен реализатор беше Максим Павловски.
По голот, Вардар тргна уште по офанзивно во нападот со цел да го удвои резултатот. Следуваа обиди на Влахо и Кралевски, кој завршија за малку крај голот на противникот. Успешен реализатор на вториот гол беше Качман Сулејман, во вториот дел. До крајот на дуелот погоди уште и Лука Грчевски кој пенал погоди за убедливи и конечни 3:0.
Утре двете екипи на генерација 2009 ќе ги одиграат последните дуели, за пласман на завршниот турнир во детската лига.
