Vardar Fans
Кадетите на фудбалскиот клуб Вардар како втори го завршија есенскиот дел од сезоната. Избраниците на Влатко Колев на 14 одиграни натпревари остварија девет победи, три нерешени резултати и два порази. Оваа генерација можеби ќе беше и лидер на табелата, по одигрување на првиот круг, доколку немаше лош старт по првите пет одиграни кола, кога и ги доживеа единствените два порази во овој дел од сезоната, против екипите на Работнички и Шкупи. Имавме и убедливи победи, како оние против Милано и Пелистер кои беа блиску да бидат изразени и со двоцифрена разлика. Во последните седум кола одлично играа “пулените“ на Колев, забележувајќи дури шест победи и само еден нерешен резултат. Кадетите на Вардар го имаат најдобриот напад во лигата со 36 постигнати голови и втора најдобра одбрана, со само 9 примени погодоци во својата мрежа. Може да се каже дека ова беше добра полусезона за оваа генерација, која останува во борбата за титулата и во пролетниот дел.
Ова се сите остварени резултати на кадетите во есенскиот дел:
1 коло: Вардар – Ренова 2:1
2 коло: Вардар – Работнички 1:2
3 коло: Шкендија – Вардар 1:1
4 коло: Вардар – А. Пандев 1:0
5 коло: Шкупи - Вардар 1:0
6 коло: Вардар – Пелистер 9:1
7 коло: Победа – Вардар 1:1
8 коло: Вардар – Милано 9:0
9 коло: Македонија Ѓ.П – Вардар 1:2
10 коло: Ренова - Вардар 0:3
11 коло: Работнички - Вардар 0:0
12 коло: Вардар – Шкендија 1:0
13 коло: А.Пандев – Вардар 0:3
14 коло: Вардар – Шкупи 4:1
Кадетите ги завршија настапите во националниот куп за оваа сезона. Во четврфиналето нашите надежи беа елиминирани од екипата на Шкендија.
1/8 куп: Вардар - Милано 6:0
1/4 куп: Шкендија - Вардар 2:1
1/4 куп: Вардар – Шкендија 2:2
Милан Благојевиќ е најдбриот стрелец во оваа генерација, кој има постигнато 11 голови во есенскиот дел. Вака изледа листата на стрелци кај кадетите ( во двете натпреварувања), по одигрување на првиот круг на натпреварување:
1. Милан Благојевиќ 11
2. Џемал Ибиши 8
3.Кренарт Дарлишта 4
4. Бојан Димоски 3
5. Фитор Реџепи, Марио Младеновски, Филип Андоновски, Али Адем, Александар Ѓорѓиески, Малик Хасановиќ по 2 постигнати голови.
6. Христијан Петковски, Мартин Филипоски, Стефан Наумчески, Анел Калчиноски, Виктор Пешевски и Давид Ристовски по 1 гол.
Врвот на табелата е достижен за Вардаровите кадети, кои имаат само четири бода помалку од лидерот, екипата на Шкендија. Вака изгледа табелата во оваа возрасна категорија:
1. Шкендија 34
2. Вардар 30
3. Шкупи 27
4. Академија Пандев 24
5. Работнички 23
6. Македонија Ѓ.П 23
7. Пелистер 16
8. Победа 14
9. Ренова 9
10. Милано 3
