ФК Вардар генер.2006 со реми го стартуваше меѓународниот турнир “Приморско лето“ во Бугарија

Генерацијата на фудбалскиот клуб Вардар родени “2006“ година е во Бугарија, каде од денес, четврток до недела ќе биде дел од силен меѓународен турнир “Приморско лето“. На него ќе натпреваруваат најсилните екипи од Бугарија, како и други тимови од Грција и Турција.  Денеска младите црвено-црни надежи го одиграа првиот меч  на турнирот.

Тие се сретнаа со екипата на ФК Берое од Стара Загора и одиграа реми 2-2. Првиот дел иако имавме серија прилики неуспеавме да го крунисаме со погодок, на одмор заминавме со минимална негатива од 0-1. Во вториот дел ние тргнавме на пресврт, игравме одлично и успеавме да погодиме. На 1-1 изедначи Давид Голубов, потоа атакуавме на нов гол за пресврт. Истиот дојде преку Марко Николовски со чиj гол поведовме со 2-1 во продолжение. Го браневме водството во последните минути со намера да обезбедиме први три бода на турнирот, сепак противникот доби пенал на помалку од две минути до крајот. Истиот го претвори во гол за резултат 2-2, токму со овој резултат заврши овој прв дуел денес за избраниците на Филип Арсовски. Тие веќе попладнево ќе играат силен натпревар, во истиот ќе се сретнат со врсниците од екипата на ФК Левски. Дуелот попладнево е закажан со почеток во 18-00 часот.