Тешки дуели ги очекуваат Вардарци, во сабота дерби со Шкендија, па дуел со Фенер

Напорна седмица го очекува нашиот фудбалски шампион, кој треба да одигра два силни натпревари. Најпрво во сабота стартува новата сезона во првата македонска фудбалска лига, со дербито помеѓу екипите на Вардар и Шкендија, иако првично овој дуел требаше да се игра во неделата. Сепак ФФМ им излезе во пресрет на двете екипи, кои во четврток (17-ти) ги очекуваат првите мечеви од плејофот на лига Европа. Вардар и Шкендија имаа напорен месец, каде одиграаа мечеви во квалификациите од ЛЕ и ЛШ. Нивниот меѓусебен дуел во сабота ќе биде силна подготовка за главниот предизвик што ги очекува во европските натпреварувања, каде треба да ја поминат последната пречка, пред влезот во групната фаза од лигата на Европа.

Двете екипи ќе имаат тешка задача во остварување на целта, со оглед дека пред себе имаат тешки и квалитетни противници, во името на Фенербахче и Милан. Претходниве две сезони, Вардарци ја добиваа битката со екипата од Тетово, што се однесува до приматот, шампион на Македонија. Во сабота би требало да излеземе со најсилниот состав, со цел да ги освоиме првите бодови во новата сезона. Тренерот Гоце Седлоски треба  да извади максимум од своите момци на претстојните дуели.