Денес во Куманово се одигра првиот натпревар во рамките на четвртфиналето од купот на Македонија, кај генерацијата родени “2004“ година, на кој се сретнаа екипите на Вардар и Милано. Натпреварот заврши со нерешен резултат 1:1, што значи дека избраниците на Кралевски имаат поволен резултат пред реваншот во Скопје.
Тренерот Кралевски стартуваше со следниве 11-сетмина: Гигов, Анчевски, Јаневски, Љушев, Милошевски, Павлески, Серафимов, Попов, Хајдари, Гуџуфи, Г.Стојановски.
По првото полувреме екипата на Вардар имаше водство од 0:1, но во вториот дел домашната екипа го израмни резултатот. Стрелец на единствениот гол за црвено-црните беше повратникот во екипата Георг Стојановски, кој ги пропушти последните неколку натпревари во лигата поради повреда, но во вистински момент се враќа да му помогне на тимот. Домашниот тим го израмни резултатот со гол од слободен удар, каде топката помина преку живиот ѕид и го совлада Гигов. Вардар имаше неколку добри шанси да триумфира, но тешкиот терен за игра си го направи своето. Ова беше натпревар и на првите две пласирани екипи во регионалната -скопска лига, каде Вардар е лидер на табелата со максимален број на освоени бодови.