Thursday ,09 December 2021
Последни:
Home > ФК Вардар > У-18 > Кадетите се вратија на победите во лигата, избраниците на Колев го совладаа тимот на Шкупи
Кадетите се вратија на победите во лигата, избраниците на Колев го совладаа тимот на Шкупи

Кадетите се вратија на победите во лигата, избраниците на Колев го совладаа тимот на Шкупи

Кадетите на фудбалскиот клуб Вардар се вратија на победите во лигата. Денес на теренот во населбата Јане Сандански се одигра претпоследното коло во кадетската лига. Црвено-црните избраници на Влатко Колев го совладаа Шкупи со резултат 2:1. Со истиов резултат триумфиравме и на првиот дуел во есенскиот дел од сeзоната.

Тренерот Колев стартуваше со следниве 11-сетмина: зибери, Тодоров, Калчиноски, Јордановски, Серфимов, Стоименов, Јахја, Насковски, Скендерски, Димов, Трајчевски.

По првото полувреме, резултатот беше оној почетниот 0:0, иако и во овој дел од играта имавме неколку шанси да го отвориме резултатот. Сепак на стартот на вториот дел успеавме да ја затресеме противничката мрежа и да поведеме со 1:0. Стрелец на голот беше Андреј Скендерски кој му донесе водство на Вардар. Одлично игравме на овој натпревар и постојано бевме во атак кон противничкиот гол. Набргу успеваме да го зголемиме реѕултатпт на 2:0 и тоа во 63 минута од натпреварот со погодокот на Никола Серафимов. До крајот на мечот, екипата од Чаир успеа да го намали резултатот на 2:1. Стрелец на почесниот гол за Шкупи беше Нуредин Исеини. На крајот овој резултат се покажа како конечен.

Во игра во вториот дел влегоа и Стојчевски Христијан, Исо Мушиќ и Купа Харбин. Во последното коло ѕа оваа сезона гостуваме на екипата на Ренова.