Фудбалскиот клуб на Вардар генерација родени “2005“ година во периодот од 8-12 февруари ќе бидат дел од силен меѓународен турнир ‘Балканика куп“ кој ќе се одигра во Бугарија (Сандански). На него ќе учествуваат генерации родени 2005, 2006, 2007 и 2008 година. Единствено кои ќе настапат се избраниците на Игор Кралевски, генерацијата родени 2005 година. Веќе се познати групите во оваа возрасна генерација и противниците во групната фаза за нашите млади надежи.
Вардарци ќе бидат во групата В заедно со екипите од Бугарија: Черноморец, Локомотив Пловдив и Локомотива од Софија.
Екипите ќе бидат поделени во три групи, составени од по четири екипи:
Група А: Царско Село. Пирин, Ботев и Мини Макси Лига
Група В: Черноморец, Вардар, Локомотив Пловдив и Локомотива од Софија и
Група Ц: Ботев, Димитровград. Славија Софија и Витоша.
Тренерот Кралевски со себе ќе понесе 15 играчи, кои дополнително ќе бидат одредени и ние ќе ги објавиме во понатамошниот период.
Минатата година дел од овој турнир беа генерациите родени “2004 и “2005“ година. Генерацијата “2004“ направи голем успех освојувајќи го првото место, каде во полуфиналниот и финалниот меч ги поразија ЦСКА и Левски од Софија. додека генерација “2005“ не успеа да се пласира во полуфиналните мечеви, иако на првите два натпревари во групата забележаа победи.