Вардар официјалниот тренинг ќе го одржи во Хиподром

Од тимот на Вардар излегоа со информации околу тоа како ќе тече денешниот ден. Најпрвин во 15 часот и 30 минути во прес центарот на Националната Арена „Филип Втори“ во Скопје, Вардар ќе одржи прес, потоа во 18.00 часот ќе го има официјалниот тренинг но не на Арената туку на тренинг кампот во Хиподром.

Кога сме кај гостинскиот тим, во 18.30 часот ќе одржат прес-конференција во прес центарот на Националната Арена „Филип Втори“ во Скопје, а потоа од 19.00 часот ќе го имаат и официјалниот тренинг на Националната Арена „Филип Втори“.

Натпреварот на овие два тима ќе биде одигран утре со почеток во 21.05 часот.