Крстевски и Радуловиќ-Величковиќ тренираат со Вардар, Стојановски заминува од клубот

Фудбалскиот клуб Вардар пред заминувањето за Охрид каде ќе ги одработи главните подготовки, тренира на спортскиот комплекс во населбата Хиподром.

На тимот се приклучија Мартин Радуловиќ-Величковиќ и Виктор Крстевски, кои се генерација 2002. Двајцата најверојатно ќе останат во црвено-црниот дрес и во новата натпреварувачка сезона.

Иако Крстевски требаше да настапува за екипата на Тиквеш и се договорија, сепак на крајот нема ништо од тоа, па младиот Крстевски останува во Вардар.

Од клубот дефинитивно заминува Георг Стојановски (2004), кој својата среќа ќе ја бара можеби и надвор од Македонија.