Vardar Fans
Денеска нов натпревар во рамките на пионерската лига одиграа играчите на Вардар, тие во оваа рунда ја пречекаа штипска Брегалница. Овој натпревар нашиот тим го доби со резултат 4:1 (1:1). Иако Вардар губеше се до финишот на првиот дел, сепак на крајот успеа да слави лесна победа. Треба да се напомене дека и новиот спортски дирекот на ФК Вардар Панчев, беше дел од овој натпревар.
Натпреварот започна со иницијатива на нашиот тим додека пак Брегалница својата шанса ја чекаше преку контранапади. Првата закана кон голот на противникот ја имаше Јовица Радевски кој биеше со глава по една нафрлена топка од корнер, на оваа негова закана заврши над голот на Брегалница. Потоа своја шанса имаше и Кренар Дарлишта, но и неговиот удар заврши непрецизно и пропадна оваа добра прилика за гол. Кон 30.минута Брегалница дојде до водство од 0:1 со гол од пенал. Топката ја зеде и изведе еден играч на противникот, биеше и постигна гол иако Велковски за малку не ја одбрани оваа топка. Во последната минута од првиот дел дојде и изедначувачкиот погодок на Вардар. Со прецизен удар од 15-метри постигна погодок Стефан Наумчески.
Во вториот дел Вардар тргна уште по напаѓачки кон целосен пресврт. Целосниот пресврт Вардар го направи преку Стефан Наумчески кој стрелаше прецизно за водство на Вардар. Тука нашиот тим не застана, тргна и по нов, трет погодок. За третиот погодок не се чекаше многу, по една одлична акција на Вардарци прецизно стрелаше Благојевиќ Милан за веќе 3:1. Точка на овој меч и сигурна победа стави истиот играч Благојевиќ, кој доби една одлична нафрлена топка од Спасиќ која умешно ја искористи. Со овој резултат и заврши овој дуел.
