Vardar Fans
Денес во рамките на 15.коло во Супер Лигата, пионерските екипи гостуваа кај екипата на Работнички.
Помладите пионери успеаа да го добијат градското дерби со екипата на Работнички, славејќи со резултат 2:3 (1:1).
Уште во 10.минута од натпреварот успеавме да го отвориме резултатот со голот од пенал на Филип Смиљков за водство од 0:1. Кратко траеше нашата радост, после само три минути, домашниот тим успеа да го израмни резултатот на 1:1, кој беше актуелен по првите 45 минути.
Работнички во вториот дел, односно во 64.минута направи резултатски пресврт и поведе со 1:2, но нашите надежи не се откажаа и покрај негативата успеаа да направат резултатски пресврт со два гола и на крајот да слават победа. Се играше 66.минута кога после асистенција од Шаботиќ, вардарци израмнија на 2:2 со голот на Антонијо Крстевски, а во 84.минута со вториот гол на Антонијо Крстевски да поведеме со 2:3. На крајот нашите помлади пионери успеаа да ги освоијат сите три бода на овој дерби натпревар во помладата пионерска Супер лига.
Ова беше вкупно седма победа сезонава за помладите пионери.
Вардар: Јован Ѓорѓиевски, Мичо Поповски (К), Филип Смиљков, Марко Крстевски, Фуад Керими, Иван Блажевски, Михаил Јорданоски, Антонијо Крстевски, Емир Шаботиќ, Златко Радески и Филип Дамевски.
Играа уште и Петар Давитов, Бобан Бакрачески.
Пионерите за жал беа високо поразени со резултат 3:0 (2:0) во дербито со градскиот ривал.
По само 16.минути игра, противникот имаше предност од 2:0, додека конечните 3:0 беа поставени во 51.минута. Ние не се прославивме многу на овој натпревар, на кој немавме некоја посериозна шанса да го загрозиме голот.
Вардар: Стефан Нанчовски, Драган Јанкоски, Давид Цековски, Харбин Туша, Максим Цониќ, Давор Лефковски, Михаил Танчев (К), Матеј Гаштаров, Кристијан Галевски, Дамјан Алексовски, Хабиб Бектеши.
Играа уште и Милош Спасовски, Матеј Анастасов, Мирза Хасиќ, Александар Миовски и Андреј Ѓуроски.
