Vardar Fans
Денес на терените на ФФМ, тимот на ФК Вардар (2) генерација 2008 се сретна со екипата на Спорт Ефе. Момците на Колев Влатко во меч во кој доминираа во целост дојдоа до победа со резултат 5-1 (2-1) и впишаа нови бодови на своето конто.
Првиот дел мина во наша доминација, ние тргнавме офанзивно по првата судиска свирка со цел рано да постигнеме гол. Првиот погодок за црвено-црните го постигна Лука Трпевски со чиј гол отворивме за предност со 1-0. Иако имавме серија прилики за гол не успеавме да ја удвоиме предноста, стигна казна противникот успеа да изедначи на 1-1. До крајот на првиот дел повторно нападнавме и преку Коста Бошковски поведовме со 2-1, тој погоди атрактивно под греда за предност од еден гол со која заминавме и на пауза.
Вториот период беше сличен на првиот ние напаѓавме во поголем дел од дуелот, па на самиот почеток две прилики имаше Стефан Бранковски. Во првата шутна силно крај голот, а во втората беше поефикасен и погоди за предност со 3-1. Доминиравме, противникот се одлучи за дефанзива и се закануваше само по контри кои беа ретки. Најпрвин Ненад Дамајноски со удар од над 15.метра постигна убав гол за 4-1, потоа Матеј Киш со удар откосо ги постигна конечните на оваа средба 5-1. Имавме уште неколку прилики за зголемување на предноста, последна беше таа на Стефан Бранковски чиј удар заврши неколку сантиметри над гредата.
