Vardar Fans
Денес пионерските екипи на ФК Вардар на теренот во Ѓорче гостуваа кај екипата на Њу Старс, дуелите се играа во скопската населба Ѓорче Петров. На истите дојдовме до едно реми и една победа.
Пионерите одиграа нерешено 2-2, Кралевски овој дуел го започна со следниот тим: Величковски, Петејчук, Асани, Гугуљанов, Радуловиќ-Величковиќ, Крстевски, Хасани, Омерагиќ, Игнатов, Салиу, Демири.
Добро го отворивме овој дуел имавме повеќе од инцијативата па тоа донесе предност за нас. Успеавме да поведеме први со 0-1, уште во 17.минута од дуелот. За наше водство стрелаше Азер Омерагиќ кој го отвори овој дуел. Потоа ривалот успеа да направи пресврт на резултатот. Најпрвин изедначи на 1-1 во 35.мининута од дуелот. Во финишот на првиот дел поведоа и со 2-1, преку прецизно изведен удар од белата точка. Во вториот дел ние се трудевме да ја вратиме резултатската симетрија, па така рано уште во 49.минута изедначивме. За 2-2 повторно погоди истиот играч од нашиот тим. Азер Омерагиќ стрелаше за реми, 2-2 резултат кој подоцна се покажа и како конечен на оваа средба.
Помладите пионери триумфираа со 0-2 на средбата со Њу Старс. Тренерот Деспотовски стартуваше со следниве 11-сетмина: Стојковски, Трпезаноски, Давков, Ѓорѓиевски, Ѓоргосски, Сељанац, Тасевски, Давидовски, Стојановски, Мирков и Жарков.
Првиот дел помина во испитување на силите, двата тима имаа по неколку шанси ама мрежите на домашниот голман и на нашиот Лука Стојановски останаа незатресени. Расплетот дојде во вториот период, најавивме дека ќе дојдеме до нови три бода во 58.минута кога поведовме со 0-1 преку нововлезениот Андрески Лео. По голот продолживме со атаци со цел удвојување на предноста и осигурвање на победата. Само четири минути по првиот погодок за нас погоди Живков Славче за конечни 2-0.
