ФК Вардар генер. 2006 го победи Фудбал Кидс на пријателски натпревар

Генерацијата 2006 на ФК Вардар предводена од Милан Коцески стигна до победа на контролен натпревар против екипата на Фудбал Кидс, која беше составена од играчи кои се родени 2004/05 година. Избраниците на Милан Коцески одиграа одличен натпревар кој го добија убедливо во своја корист со резултат 6:0

Вардар по првото полувреме имаше предност од 3:0. Резултатот за 1:0 го отвори Нуман Ајетовиќ. Пред да го зголемиме резултатот, имавме шанси преку Нуредини и Лефковски, удари кои противничкиот голман ги одбрани. После нафрлена топка од корнер, во противничкиот шеснасетник со глава погоди капитенот Димитар Порчу за 2:0, додека резултатот 3:0 на полувреме го постави Давор Лефковски.

Во вториот дел исто така доминиравме на теренот и постигнавме нови три гола. Најпрво со вториот гол на Алтин Нуредини поведовме и со 4:0, додека нововлезените Стефан Коловски и Мирза Хасиќ ги поставија конечните 6:0 на овој пријателски дуел против повозрасниот тим на Фудбал Кидс од Драчево.

Вардар: Данстак, Николов, Спасовски, Порчу(К), Величковски, Танчев, Миовски, Николовски, Лефковски, Ајетовиќ, Нуредини.

Играа уште и Краљевски, Коловски, Хасиќ, Атанасов, Љатифи, Крстевски, Митрески, и Грбовиќ.