Нова победа на контролен меч за помладите пионери на фудбалскиот клуб Вардар. На теренот на Академијата момците на Драган Стефановски-Гаге за противник ја имаа екипата на Работнички, која ја победија со резултат 4:3.
По првото полувреме, црвено-црните имаа високо водство од 4:0, а на стартот од вториот дел во игра влезе втората постава на вардарци, па екипата на Работнички успеа да постигне три гола и на крајот да се избори за достоен пораз.
Никола Величковски беше играчот кој успеа да го отвори резултатот и да му донесе водство на Вардар од 1:0. Одлично игравме во овој дел од натпреварот, едноставно цела игра се одвиваше на половината на противникот, а како резултат на тоа се случи и втор гол во мрежата на Работнички, во листата на стрелци се запиша Ѓорѓи Дошев за 2:0. Продолжија нападите кон противничкиот гол, нов играч успева да ја погоди противничката мрежа, се работи за Арбин Курти, гол со кој поведовме и со 3:0. До крајот на првиот дел погодивме и преку Симеон Здравковски, за резултат 4:0 на полувреме.
Во вториот дел, екишата на Работнички успеа да постигне три гола за конечни 4:3 на овој контролен меч.
Вардар: Филевски, Здравковски, Серафимов, Таневски, Стојилевски, Спасиќ, Дошев, Цветков, Курти, Јовановски, Величковски