Saturday ,05 April 2025
Последни:
Home > ФК Вардар > Прв тим > Моќен Вардар против Брегалница!
Моќен Вардар против Брегалница!

Моќен Вардар против Брегалница!

Вардар ја продолжи победничката серија оваа пролет. Следен на ”менито” на црвено – црните беше тимот на Брегалница од Штип, ова беше седма победа дома по ред против овој тим. Вардарци овој натпревар го добија со резултат 4-0. Седлоски за овој натпревар се одлучи да направи неколку измени во однос на минатиот состав, денеска се одлучи за овие 11-мина. 90. Гачевски, 3. Попов, 4. Мијушковиќ, 6. Грнчаров, 11. Асани 16. Глигоров, 18. Ќеран, 19. Хамбарџумјан, 22. Ивановски, 70. Фелипе, 99. Којашевиќ. На клупата за резерви беа 28. Пачовски, 10. Дашјан, 17. Стојков, 20. Николов, 21. Новак, 32. Глишиќ, 87. Грозданоски. Вардар започна убедливо уште во 6 минута по корнерот на Којашевиќ, Грнчаров го матираше голманот на Брегалница за 1-0. Потоа Вардар имаше уште многу прилики за дуплирање на водството, шансите се повеќе се редеа. Којашевиќ упати удар но за малку крај голот, потоа и Грнчаров исто така упати удар, но се до 37 минута мрежата мируваше. Фелипе изнуди пенал, ја зеде топката, биеше и постигна погодок за 2-0, со овој резултат се отиде на пауза.

 Во вториот дел Вардарци продолжија да го ”мелат” тимот од Штип. во 57 минута Ќеран биеше, но за малку крај голот, потоа дојде и третиот гол. Глигоров шутираше од 20-сетина метри, голманот на гостите одби, налета Хамбарџумјан за 3-0. Во 64 минута во игра влезе Николов на местото на Ќеран. Потоа и Глишиќ влезе во игра на местото на Асани во 68 минута. Токму Глишиќ имаше добра шанса за гол, но одличниот удар го одбрани голманот на Брегалница. Во 72 минута по еден корнер Попов со глава ја врати топката во петерецот, а Грнчаров со глава ја ”закова” топката за 4:0. Во 77 минута во игра влезе и Грозданоски на местото на Којашевиќ.
Крај на натпреварот Вардар – Брегалница 4-0