Денеска на терените на Работнички стартуваше првото пролетно коло за вардаровата генерација 2008. Оваа пролет ќе гледаме две екипи, односно една нова екипа која со настапи започна токму денеска. И на двата денешни натпревари нашите млади момчиња победија, против тимовите на Работнички и Њу Старс.
Најпрвин нашите момчиња одиграа натпревар против Работнички. Серијата на победи без ниту еден пораз продолжи и денеска. Нашите играчи уште од стартот постигнаа погодок и најавија дека и на овој меч нема да имаат посериозни проблеми. Нашиот тим на полувреме водеше веќе со резултат 3:0. Во вториот дел вардарци беа уште по убедливи, погодија уште на четири наврати за конечни 7:0 на овој натпревар. Стрелци на головите за Вардар на овој меч беа: Јохан Зизајковски 2, Ненад Дамјановски 1, Арти Азизи 1, Илија Митаноски 1, Матеј Киш 1, Бојан Пешов 1.
Победничкиот ден и првата победа во лигата ја запиша и првиот тим. Нашите момчиња беа подобри од тимот на Њу Старс со резултат 5:0. И на овој натпревар нашите играчи во ниту еден момент немаа проблеми, уште од самиот старт погодија за предност. Вреди да се напомене дека на овој натпревар одлична партија прикажа и нашиот голман Лука Грчевски, кој одбрани неколку одлични удари на противникот. Стрелците на головите за Вардар на овој натпревар беа: Стефан Марковски 2, Филип Сребров 1, Ненад Дамјановски 1, Стефан Бранковски 1.