Vardar Fans
ФК Вардар генерацијата 2006 им се врати на победите во Детската лига. Денеска на терените на ФФМ и двете екипи на Вардар славеа победи против тимовите на Фљамуртари и Њу Јорк.
Вардар (1) одигра повеќе од убедливо и со дури 15 погодоци го совлада тимот на Фљамуртари кој на овој натпревар делуваше многу немоќно, а даде и еден гол како мала утеха на примените погодоци.
Стрелци кај Вардар денеска беа: Алтин Алији со дури 6 погодоци, Марко Николовски 5, Петар Мицевски 2, Михаил Николов 1 и Нуман Ајетовиќ 1.
Вардар (2) се радуваше на победа исто како и Вардар (1). Поведе Њу Јорк со 1:0 но до крајот на полувремето Михаил Танчев со хет-трик донесе пресврт за водство од 3:1. Во второто полувреме тренерот им даде шанса на сите деца и во листата на стрелците се запишаа уште Лука Митрески со два гола и по еднаш Олег Михајловски и Антони Динов.
