Големи победи за пионерските екипи на ФК Вардар во Прилеп, со кои се блиску до освојување на шампионската титула

Пионерските екипи на ФК Вардар остварија големи триумфи во дуелите со екипата на Победа, во рамките на 21.коло. Денес нашите млади надежи гостуваа во Прилеп и издвојуваа две големи победи.

Вардар го доби дербито кај помладите пионери, совладувајќи го својот најголем конкурент за трофејот, екипата на Победа. Избраниците на Деспотовски ги совладаа прилепчани со резултат 1:2, со двата гола на Георг Стојановски. На пауза беше почетниот резултат 0-0. Во вториот период Стојановски отвори со гол за 0-1, противникот успеа да изедначи. Во финишот истиот играч успеа да донесе голема радост.

Вардар пом.пионери: Стојковски, Давков, Ѓорѓоски, Сељанац, Јовановски, Стојчевски, Андрески, Давидовски, Мирков, Живков, Стојановски.

Пионерите на Вардар предводени од Игор Кралевски го добија дуелот на доминатен начин со високи 0-3. Тие доминираа на оваа средба и поведоа во 24.минута преку Костовски Далибор, кој стрелаше за 0-1, резултат со кој се замина на пауза. Момците на Кралевски и во вториот период успеаа да ја котролираат играта па со двата гола на Омерагиќ Азер дојдоа до триумф со високи 0-3.

Вардар пионери: Величковски, Петејчук, Асани, Гугуљанов, Костовски,Крстевски, Хасани, Oмерагиќ, Салиу, Радуловиќ-Величковиќ.