Vardar Fans
Денес на терените на ФФМ, два натпревари кај генерацијата родени “2006“ година одиграа две екипи на Вардар, кои забележаа победи во дуелите со своите противници.
Фудбалскиот клуб на Вардар кај генерација родени “2006“ година предводена од Сашо Јанев одигра само еден меч и тоа со тимот на Вардар (2), кој успеа да излезе како победник во дуелот со екипата на Њу Старс (2). Конечниот резултат на овој дуел гласеше 2:1. Црвено-црните многу бргу го отворија резултатот, кога поведоа со 1:0 и тоа со погодокот на Олег Трифуновски, кој всушнот ги постигна и двата гола на денешниот меч, во кој негоиот тим забележа победа.
Прва прилика и за екипата на Њу Старс (2), но нивниот удар оди покрај нашиот гол. Следните два обиди на натпреварот беа за Вардар и тоа најпрво се обиде Кристијан Галевски, кој од прекин бие над голот на противникот и Аце Миовски чиј удар го брани голманот на Њу Старс. Се обиде и противничката екипа да го израмни резултатот, но нашиот голман Максим не дозволи такво нешто. Вардар имаше среќа кога еден од противничките играчи ја погоди пречката од нашиот гол. Полувремето го заокружуваме со уште еден гол во мрежата на Њу Старс и тоа повторно за Олег Трифуновски, кој го зголемува резултатот на 2:0.
Во вториот дел гледавме игра по средината на теренот, период кога падна само еден гол и тоа почесен за екипата на Њу Старс (2), кој го намали резултататот на 2:1, кој на крајот се покажа и како конечен на овој меч. За одбележување е уште и ударот на Трифиновски, но овој пат успешно одбрани голманот.
Нова победа забележа и екипата на Вардар (3) од генерација “2007“ која се натпреварува во повозрасната “2006“ генерација. Младите надежи на Томче Трајановски продолжуваат да ги победуваат противниците, без оглед што се генерациски помали. Овој пат настрада екипата на Њу Старс (1), која ја совладавме убедливо со резултат 5:0. На денешниот дуел хет-трик постигна Стефан Младеновски, кој всушност го отвори реултататот на овој натпревар, за предност од 1:0. Следен кој се обиде беше Петар Мицевски кој биеше над голот. Избраниците на Томче Трајановски беа подобри на теренот, а следен кој се обиде беше Петар Мицевски кој шутира над голот на Њу Старс.
Најубавиот гол на овој дуел го постигна Марко Киш, кој од речиси половина терен успеа да го совлада голманот и тоа од прекин, кога биеше директно во голот, за водство од 2:0. Вардар во следните минути имаше можност да го зголеми резултатот, но немавме среќа кога Младеновски и Грашески ја погодија пречката од голот на Њу Старс. Следните две прилики ги имаше повторно Младеновски Стефан, но во двата наврати одбрани голманот. Сепак овој играч до крајот на првиот дел го постигна својот втор гол и по истекот на првите 25 минути имавме актуелен резултат од 3:0.
Имавме контрола на играта и во второто полувреме, во кое бевме поконкретни од екипата на Њу Старс (1). И вториот дел со гол го отвори Младеновски, за кој ова бешпе хет-трик, па црвено-црните имаа убедливо водство од 4:0. Во продолжение од натпреварот во листата на стрелци се запиша и Емир Шаботиќ, гол со кој Вардар поведе со 5:0, што беше и краен резултат на овој натпревар. Имавме можност и за зголемување на резултатот, но голманот на Њу Старс успеа да у одбрани пенал на Марко Крстевски. Се обиде до крајот уште и Милош Спасовски, кој бие само над голот. На крајот конечниот резултат гласи 5:0.
