Вардаровите генерации “2005“ и “2006“ одиграа пријателски натпревари со Мал Ајакс од Штип

Во текот на вчерашниот ден гостин на Вардар беше фудбалската школа Мал Ајакс од Штип. Тие допатуваа во Скопје со две свои генерации родени “2005“ и “2006“ година играјќи контролни натпревари со екипите на Вардар. Нашите надежи успешно го користат периодот пред настапите во детската лига, за одржување на формата и победничкиот ритам.

Вардаровата генерација родени “2005“ година ги совладаа своите врсници од Мал Ајакс, убедливо со резултат 9:1. По два гола на овој натпревар постигнаа Филип Јовановски, Никола Величковски и Давор Лефковски, додека еднаш погодија и Матеј Гаштаров, Тино Спасиќ и Горјан Цветков. 

Натпревар одигра и ФК Вардар генерација “2006“ која ремизираше 4:4 во дуелот со Мал Ајакс. На овој пријателски натпревар тренерот Филип Арсовски им даде шанса за настап на играчите кои добиваат помала минутажа на мечевите од детската лига.