Vardar Fans
Денес на теренот на Академијата, контролни натпревари со екипата на ОФК Београд одиграа пионерите и младинците на фудбалскиот клуб Вардар.
Во еден интересен натпревар, младинците на Вардар беа минимално поразени на крајот со резулта 0:1, со погодок во првиот дел од натпреварот. Вардар имаше неколку шанси за погодок, кои за жал не ги искористи. На овој меч незгодна повреда имаше Дамјан Трајановски, за кој сезоната може да биде завршена.
Вардар: Андов, Манасиевски (К), Величковиќ, Мицевски, Зендели, Ристовски, Андоновски, Трајановски, Мирчевски, Спировски, Демири.
До победа во дуелот со екипата од Србија стигнаа вардаровите пионери, кои славеа со резултат 2:1. Георг Стојановски беше играчот кој го отвори резултатот за водство од 1:0, по асистенција на Давидовски, резултат кој беше актуелен на полувреме. Во вториот дел, црвено-црните го зголемија водството на 2:0 преку Петре Тасевски, кој погоди на асистенција од Стојановски. До крајот на мечот, почесен гол постигна противничката екипа и ги постави конечните 2:1 на овој пријателски меч.
Вардар: Стојковски, Јовановски, Ѓоргоски, Сељанац, Давков, Ѓорѓиевски, Стојчевски, Давидовски (c), Живков, Стојановски, Мирков.
Влегоа уште и Саит, Исмаиљи, Тасевски, Трпезановски, Марковски и Андрески.
Во пролетниот дел, пионерите ќе ги предводи Милан Коцески, додека младинците се под водство на Драган Стефановски-Гаге.
