Wednesday ,24 July 2024
Последни:
Home > ФК Вардар > Петлиња > Полуфинале за ФК Вардар генер. 2005 на турнирот „Пирин Куп“ во Бугарија
Полуфинале за ФК Вардар генер. 2005 на турнирот „Пирин Куп“ во Бугарија

Полуфинале за ФК Вардар генер. 2005 на турнирот „Пирин Куп“ во Бугарија

Генерацијата 2005 на фудбалскиот клуб Вардар се пласираше во полуфиналето на турнирот „Пирин Куп“ откако денес ја забележа и третата победа во групната фаза.

Во рамките на последното коло во групата ја победивме убедливо екипата на Царско Село ( Бугарија) со резултат 4:0. Сите дилеми околу победникот ги решивме уште во првото полувреме кога имавме убедливо водство од 3:0. Давор Серафимов беше играчот кој успеа да го отвори резултатот и да му донесе водство на Вардар од 1:0, додека предноста на 2:0 ја удвои Горјан Цветков. Резултатот 3:0 на полувреме со својот прв гол денес го постави Алексеј Стефановски. Во второто полувреме постигнавме уште еден гол, истиот беше дело на Кристијан Антевски, за конечни 4:0 на овој меч.

84237239_612150169599525_8333961705163849728_n

На тој начин со три победи и еден нерешен резултат, Вардар успеа да го освои првото место во групата и да се пласира во полуфиналето на турнирот во Бугарија, кое на програмата е во текот на утрешниот ден.