Vardar Fans
Генерацијата на ФК Вардар родени “2009„ година во текот на денешниот ден одиграа еден натпревар на терените на ФФМ, во рамките на детската лига. Во истиот бевме поразени од екипата на Њу Старс, со резултат од 3:5.
Натпреварот започна лошо за нашите млади надежи, кои до десеттата минута од мечот имаа негатива од 0:3. Противникот ги казнуваше нашите грешки во одбраната и се стекна со висока предност. Сепак до крајот на првото полувреме, Вардар успева да постигне гол и тоа преку Николај Наќевски, кој го намали резултатот на 1:3, додека во добра прилика се најде и Максим Павловски, но одбрани противничкиот голман. На полувреме се замина со водство на Њу Старс од 1:3.
Во вториот дел прв се закани Сулејман Качман, но шутираше покрај голот. Црвено-црните се вратија во натпреварот кога Максим Павловски со два последователни голови успеа да го израмни резултатот на 3:3. Сепак беше досуден пенал за Њу Старс поради три направени корни, за упешно да реализираат и да го вратат водството за 3:4, додека судијата до крајот на натпреварот покажа уште еден пенал за Њу Старс, повторно погодуваат и го поставија конечниот резултат од 3:5 на овој дуел.
