Пионерките на РК Вардар стигнаа до четвртата последователна победа во рамките на групата 1 од лигата, откако во малата сала на С.Ц. Јане Сандански убедливо ја совладаа екипата на ГРК Гостивар со резултат од 28:5.
Интересно на стартот од мечот, гостинската екипа во два наврати имаше предност од 0:1 и 1:2, но тоа беше се што успеаа да сторат на овој дуел. Во следните десет минути, избраничките на Платон направија серија од 10:0 и стигнаа до двоцифрена предност од 12:2. Погодуваа Бојана Коцева, Магдалена Тошевска, Зорица Андовска и Мила Крагељ, а најголем дел од головите беа од контра-напади. Дури во 18 минута, ГРК Гостивар го прекина лошиот период кога намали на 12:3, додека на одмор се замина со висока предност на Вардар од 13:4.
Во второто полувреме, екипата на Гостивар постигна само еден и единствен гол и тоа во 30 минута, што на крајот се покажа како единствен за нив во овој дел од натпреварот. Првиот гол во второто полувреме падна после три минути игра, а беше дело на Бојана Коцева, за истава ракометарка со два последователни голови да зголеми и на 17:4 во 27 минута. Тренерот, Платон им даваше шанса за игра на сите, а со погодоци се истакна и Ива Ангеловска. На голот за одбележување се и неколкуте одбрани во вториот дел на Вероника Ѓоргиевска. На крајот победа изразена со голема разлика, резултатот конечен е 28:5.
Вардар: Ѓоргиевска, Андовска 3, Крагељ 1, Равољска , Мирчевска, Коловска 3, Трајковска, Христоска, Борјана Коцева 3, Тошевска 4, Ангеловска 5, Максимовска 1, Миланова, Пешиќ 1, Радевска 1, Бојана Коцева 6.