Vardar Fans
Со почеток од 14:30 часот на стадионот “Борис Трајковски“ во Маџари ќе започне фудбалското дерби помеѓу екипите на Вардар и Шкендија. Вардар е лидер на табелата и има 7 бодови повеќе од екипите на Шкендија и Академија Пандев. Со победа црвено-црните би се одвоиле на двоцифрена предност пред најголемиот конкурент за трофејот. Тренерот на Вардар, Александар Васоски го објави стартниот состав, со кој ќе настапи на денешниот дуел.
На голот на Вардар ќе биде Филип Гачевски. Во одбраната Кристијан Тошевски и Тодор Тодороски на бековските позиции, и искусните Евгениј Новак и Горан Попов како стопери. Во средниот ред на нашиот тим Филип Најдовски и Дарко Мицевски како последни играчи за врска. Нешто понапред во средината на теренот Кларенс Битанг, а лево и десно како крилни играчи Владица Брдаровски и Матеј Цветаноски. Во нападот ќе биде Вилијан Лира.
На клупата за резерви на Вардар за овој меч се најдоа: Александар Кировски, Адем Али, Јован Попзлатанов, Николас Херанз, Коста Манев, Џемаил Ибиши и Алекс Талески.
