Подготовките за пролетниот дел на Вардар се одвиваат досега во нашиот главен град Скопје. Момците тренираа во теретана и на терените на спортскиот комплекс на ФК Вардар во Хиподром. Следува следната фаза која ќе ја имаат момците во Турција.
Според планот тие во сабота на 21-ви јануари, заминуваат на подготовки во Анталија. Веќе е договорено дека црвено-црните во Турција ќе одигра пет пријателски мечеви. За истите се познати и противниците со кои ќе се соочат. Првиот дуел ни е со некогашниот европски првак и нашиот познаник од Л.Ш романската екипа, Стеауа Букурешт. Тест број два е против рускиот прволигаш Амкар Перм. Ќе играме уште со Дукла Прага од Чешка, руски тим Анжи и со тимот кој претходно се сретнувавме во Анталија, екипата на Терек Грозни. Избранците на Гоце Седлоски според планот во Анталија остануваат се до 11 февруари.
ПЛАНОТ ЗА АНТАЛИЈА
21.01. – Заминување во Анталија
24.01. – Вардар – Стеауа Букурешт (Романија)
28.01. – Вардар – Амкар Перм (Русија)
02.02. – Вардар – Дукла Прага (Чешка)
05.02. – Вардар – Анжи Махачкала (Русија)
09.02. – Вардар – Терек Грозни (Русија)
11.02. – Враќање во Скопје