Пионерите на ФК Вардар се есенски вицешампиони, преглед на одиграните натпревари

Пионерите на ФК Вардар го завршија есенскиот дел од сезоната на второто место на табелата. Оваа генерација која е предводена од Сашо Тодоровски одигра седум натпревари на кои забележа пет победи и два порази. Единствените порази беа на дерби натпреварите против екипите на Шкендија и Работнички.

Што се однесува до табелата во пионерската супер лига, не очекува интересна сезона и во пролетниот дел од натпреварувањето, со оглед дека екипите кои се позиционирани од 1-7 место се разлика само три бода. Вардарци имаат 15 бодови и се наоѓаат на второто место зад екипата на Победа која има 16 бодови. Гол разликата е 20 постигнати и 8 примени голови.

Ова се сите постигнати резултати на пионерите во лигата:

1 коло: Куманово Еуроспорт – Вардар  0:3

2 коло: Вардар – Ренова  2:1

3 коло: Шкендија – Вардар  2:1

4 коло: Вардар – Работнички  4:5

5 коло: Брегалница - Вардар  0:3

6 коло: Њу Старс – Вардар  0:2

7 коло: Вардар – Македонија Ѓ.П  5:0

Во Купот бевме елиминирани во 1/4 финалето од екипата на Работнички. Се одигра само еден натпревар на теренот на „Алумина“ кој го доби градскиот ривал со резултат 2:1. На стартот од пролетниот дел во пионерската супер лига, екипата на Вардар ќе гостува кај Шкупи.