Продадени се околу 22.000 билети за утрешниот натпревар

Според информациите до кои стигнавме, до сега се продадени околу 22.000 карти за утрешниот натпревар помеѓу екипите на Вардар и Апоел. Прогнозите дека ќе ја наполниме арената “Филип Втори“ полека се остваруваат. Вардарци имаат одличен резултат остварен на првиот дуел во Кипар, кој заврши без победник 0:0. Еуфоријата нормално расте како се приближува почетокот на натпреварот. Карти ќе можат да се набават и денес и утре пред билетарите на стадионот,  кои се наоѓаат помеѓу јужната и источната трибина на стадионот, а работното време е од 12 до 20 часот во понеделник, и во вторник истите ќе работат од 10 до 20 часот. Цената е многу симболична, и чини само 100 денари.

Навивачката група Комити запад исто така максимално е подготвува за овој голем настан. Собирот ќе биде пред соборниот храм каде ќе се продаваат карти за западната трибина. Со секој купен билет ќе следува и нова маица од Комити. Ние полека ги одбројуваме последните часови на започнување на овој меч, кои сите го чекаат со големо нетрпение.