Friday ,29 March 2024
Последни:
Home > ФК Вардар > У-16 > После 23 одиграни натпревари, пом.пионери на Вардар го претрпеа првиот пораз и тоа на гостувањето против Ренова
После 23 одиграни натпревари, пом.пионери на Вардар го претрпеа првиот пораз и тоа на гостувањето против Ренова

После 23 одиграни натпревари, пом.пионери на Вардар го претрпеа првиот пораз и тоа на гостувањето против Ренова

Денес во Тетово се одигра заостанатото 19 коло во првенството на младинските фудбалски категории, за генерацијата родени “2002“ година. После 23 натпревари оваа сезона, помладите пионери на Вардар го доживеаа првиот пораз на гостувањето против екипата на Ренова. Домашниот тим славеше во дуелот со црвено-црните со резултат од 2:1.

Вардар: Стојковски, Костовски, Салиу, Радуловиќ-Величковиќ, Крстевски, Демири, Петејчук, Омерагиќ, Стојановски К. Стојановски Г, Гугуљанов.

На клупата за резервни играчи беа: Станковски, Симев, Ѓорѓиевски, Сељанац, Фазлиу, Мирков, Шабани.

Уште во 7 минута од мечот, екипата на Ренова го отвори резултатот кога поведе со 1:0. Сепак до крајот на првиот дел, Вардар успева да го израмни резултатот и тоа во 27 минута со погодокот на Мартин Величковиќ-Радуловиќ. Со нерешен резултат 1:1 се замина на полувреме. Во вторите 40 минути, противникот повторно ја врати предноста, кога постигна втор гол и поведе со 2:1 во 55 минута. До крајот на мечот резултатот остана непроменет и заврши со триумф на Ренова.

Ова е прв пораз за помладите пионери на Вардар оваа сезона, после одиграни 23 натпревари. Избраниците на Сашо Тодоровски имаат 20 победи, 2 нерешени резултат и 1 пораз.