Во текот на вчерашниот ден се одигра првиот онтролен натпревар на фудбалските репрезентации на Македонија и Србија до 18 години.
На тренинг центарот „Петар Милошевски“ поуспешни во првиот дуел беше селекцијата на Србија, која славеше минимално со резултат 0:1, со погодок во второто полувреме. Во стартниот состав на селекторот Арслани се најдоа и тројца играчи од редовите на Вардар. Се работи за голманот, Кристијан Китановски, потоа Виктор Крстевски и Азер Омерагиќ.
Во второто полувреме во игра влегоа уште и Дамјан Трајановски, Александар Ѓурковски и Анатолиј Петејчук. Токму нововлезениот Трајановски ја имаше најдобрата прилика за Македонија, кога голманот на противникот со одлична одбрана спаси израмнување.
Вториот меч меѓу селекциите на Македонија и Србија до 18 години ќе се одигра в четврток, исто така на тренинг центарот „Петар Милошевски“ со почеток во 11:00 часот.