Шест играчи од Вардар добија повик од селекторот Јакимовски, за контролниот турнир во Хрватска

Македонската фудбалска репрезентација до 16 години во вторник заминува за Хрватска каде ќе биде дел од меѓународен турнир.

Македонија ќе биде во група заедно со селекциите на Замбија, Босна и Херцеговина и Романија, додека другата група ја сочинуваат Хрватска, Катар, Црна Гора и Бугарија.

За овиј контролен турнир селекторот на оваа генерација,Тони Јакимовски, повика и шест играчи од редовите на Вардар. Се работи за Никола Величковски, Зоран Фидановски, Горјан Цветков, Арбин Курти, Симеон Здравковски и Марко Стојилевски.

Во среда (23.09) ќе го одиграме првиот дуел против селекцијата на Замбија. Следниот ден на програмата е меч против Романија, додека групната фаза ќе ја затвориме на 25.09 со дуел против Босна и Херцеговина.

Првопласираните во двете групи ќе играат во големото финале на турнирот.